"स्वस्थ नागरिक, जिम्मेवार पालिका" भन्ने नारालाई आत्मसात् गर्दै नागरिकको स्वास्थ्य सेवा पहुँच सुनिश्चित, स्थानीय तहमै गुणस्तरीय र प्रभावकारी स्वास्थ्य सेवा उपलब्ध गराउने दृढ संकल्पसहित, १५ शैयाको दिङ्ला नगर अस्पतालको सेवा मिति २०८२ असार २६ गतेदेखि गान्धी मेमोरियल भवनबाट औपचारिक रूपमा शुभारम्भ गरिएको छ।
षडानन्द नगरपालिकाका सर्वसाधारण नागरिकको स्वास्थ्य सेवाको पहुँचलाई सरल, सुलभ र नजिक बनाउने उद्धेश्यले नगर अस्पतालको औपचारिक उद्घाटनको झलकहरु ।

आज मिति २०७९/०५/२२ गते नगर प्रमुख श्री सुरेन्द्र कुमार उदास ज्यू, उप-प्रमुख श्री प्रमिला राईज्यू, वडा अध्यक्ष ज्यूहरु, का.पा. सदस्य ज्यूहरु साथै कर्मचारीहरुबाट यस षडानन्द नगरपालिकाको लागि प्रमुख प्रशासकीय अधिकृत श्री बिनोद कुमार भण्डारी ज्यूलाई स्वागत गरियो । उहाँको कार्यकाल सफल, सवल, उदाहरणीय र उल्लेखनीय रहोस् हार्दिक शुभकामना ।

जनस्वास्थ्य निरिक्षक श्री सुशिल कुमार राई ज्यू नेपाल स्वास्थ्य सेवामा अनवरतरुपमा कर्तव्यनिष्ठ एवम् लगनशिलतापुर्वक विभिन्न स्वास्थ्य संस्थाहरुमा सेवारत रही स्वास्थ्य सेवामा ३५ वर्षको निरन्तर सेवा पश्चात मिति २०७९ जेष्ठ १९ गतेबाट उमेरको हदका कारण स्वास्थ्य चौकी केउरेनिपानीबाट अनिवार्य अवकाश हुनुभएको हुँदा, वहालाई सम्मान सहित आयोजना गरिएको विदाई कार्यक्रमको झलकहरु ।

तपाईको सेवानिवृत्त जीवन सुखद, सक्रिय, स्वस्थ एवंम् सुखमय रहोस भन्ने हार्दिक शुभकामनाका साथ जीवनको उत्तरोत्तर प्रगतिको कामना गर्दछौं ।